Пярэваратні ў пагонах і без

Самая нечаканая гісторыя з жыцця сучаснай беларускай правінцыі! Сюжэт проста неверагодна закручаны, мова лёгкая, без залішніх мастацкіх сродкаў, якія, часам, толькі перашкаджаюць чытаць. “Карты, грошы, два ствалы” глядзелі фільм? Дык гэта нешта падобнае, толькі на беларускі лад. І падумаць ёсць над чым, і пасмяяцца з чаго хапае. Гатовы сцэнар для фільма! Вы куды глядзіце, рэжысёры?!

Сур'ёзны і актуальны сюжэт. Напамін пра тое, што бумеранг безумоўна працуе, хоць часта і крывымі шляхамі, але ж... Да таго ж, вельмі выразна апісана жыццё глухой беларускай правінцыі з усёй яе безнадзегай, беспрытульнасцю дзяцей пры жывых бацьках-алкашах. Так яскрава, што аж дрыжыкі ідуць, асабліва ў тых людзей, якія жывуць адносна добра і ўладкавана. Жывеш сабе ў так бы мовіць "нармальным" асяроддзі, гадуеш дзяцей, працуеш на добрай працы, а вось тут ён, блізенька - зусім іншы мір, са сваімі правіламі выжывання, жорсткімі і бязлітаснымі. На мой погляд, трэба такое чытаць, каб зразумець паводзіны даволі значнай часткі нашага насельніцтва. Тут не да высокіх маральных разваг - хоць бы банальна фізічна выжыць. І гэта, канешне, жах. Але ж гэта існуе і трэба з гэтым лічыцца.